Гений «золотого века»

Дунёни билишга интилиб, ал-Фаробий она ерини тарк этади. Ал-Фаробий Боғдод, Хоррун, Қоҳира, Дамашқ, Алеппо ва Араб халифатининг бошқа шаҳарларида бўлган. Ҳаётининг кўп йилларини у араб халифатининг сиёсат ва маданият маркази ҳисобланмиш Боғдодда ўтказган. Бу ерда у «Байт ул ҳикмат» арбоблари ишларини, юнон муаллифларининг таржималарини ўрганиб, ўз билимларини пухта бойитади, таниқли олимлар билан танишиб, вақти келганда, ўзининг юқори ахлоқи ва тафаккури билан улар орасида етакчи ўринни эгаллайди. Айнан шу ерда унга «Муаллим Ассана», яъни Иккинчи устоз (Арастудан кейин иккинчи, дея назарда тутилган) мақоми берилган. Ибн Сино, Жомий ва Умар Хайём каби олимлар Форобийни уларнинг маънавий устози деб аташган.