«Девону луғотит Турк»нинг ёзилиши, қўлёзма нусхаси ва умумий мазмуни тўғрисида.

Маҳмуд Қошғарий туркшунос, тарихчи олим бўлиб, у туркий халқлар тарихи ҳақида маълумот берадиган ўлмас асар “Девону луғатит турк”ни ХI асрда ёзиб, авлодларга мерос қолдирган. Асар ҳозирги туркий халқлар тарихини ўрганишда муҳим аҳамият касб этади. ХI асрда туркийлар яшаган ҳудудлар, уларнинг машғулоти, ҳарбий қудрати юксалган давр эди. айнан бу даврда ҳукмронлик қилган Қорахонийлар сулоласи тарихига оид бўлган маълумотлар кам бўлиб, борлари ҳам Ғазнавийлар сулоласи ёки кейинги даврда ёзилган манбалардан иборат бўлган. “Девону луғатит турк” асари эса қорахонийлар сулоласи даврида ёзилган бўлиб, муаллиф ўзи гувоҳ бўлган воқеаларни баён қилади. Бу эса асарнинг қийматини янада оширади. Унда келтирилган иборалар, урф-одатлар айни вақтда барча туркий халқлар ҳаётида учрайди. Бу эса асарни туркий халқларнинг ягона илдиз, умумий тарихга эга эканлигидан далолат беради.