ZATVOR ORQALI O‘TAYOTGAN SUV OQIMINING TEZLIK-BOSIM TAQSIMOTINI SOLIDWORKS DASTURIDA MODELLASHTIRISH

Annotatsiya. Mazkur maqolada suv oqimining tezlik va bosim ko‘rsatkichlarini matematik modellashtirish masalalari ko‘rib chiqilgan. Asosiy nazariy baza sifatida Bernoulli va Navier–Stokes tenglamalari qo‘llanilib, suvning dinamik va kinematik yopishqoqlik xususiyatlari tahlil qilingan. Ochiq o‘zanlarda oqim rejimini aniqlash uchun Reynolds sonidan foydalanilgan va laminar, o‘tish hamda turbulent oqim sharoitlari ilmiy asoslangan. Tadqiqotlarda SolidWorks dasturining Flow Simulation moduli yordamida zatvor orqali o‘tayotgan suv oqimining tezlik va bosim taqsimoti modellashtirilgan. Natijalarda tezlik va bosim o‘zgarishlari o‘zaro teskari bog‘liqligi, energiya saqlanish qonuniyatlari va kavitatsiya xavfi ko‘rsatib berilgan. Shuningdek, oqimning nolinear xarakteri, turbulentlik ta’siri va amaliy kuzatuvlarning zarurligi ta’kidlangan. Olingan xulosalar gidroenergetika, irrigatsiya tizimlari va gidrotexnika inshootlari loyihalashda muhim ahamiyatga ega.