Maqolada loyihaviy ta’lim vositasida bo‘lajak o‘qituvchilarning kommunikativ madaniyatini rivojlantirish xususida fikr yuritilgan. Pedagogning kommunikativ faoliyatiga uning qobiliyatlari kiradi. Jumladan, didaktik (mavzuni tushunarli, sodda tilda bayon qilib bera olish), hissiy - irodaviy ta’sir eta olish, perseptiv - pedagogik kuzatuvchanlik asosida o‘quvchi ruhiyatiga ta’sir qilish, ekspressiv - nutqiy, mimika, pantomimika asosida fikrni tushuntirish, o‘quvchilar bilan munosabatlarni to‘g‘ri yo‘lga qo‘yish, pedagogik takt, talabchanlik kabilar kommunikativ madaniyat komponentlari sifatida qayd etilgan.