Жамиятни тизим сифатида ўрганиш бугунги фан олдида турган долзарб масалалардан биридир. Синергетик тадқиқотлар шуни кўрсатадики, мураккаб, яхлит, гетероген, органик, диссипатив, очиқ, ночизиқли тизимларда ўз-ўзини ташкиллаштириш имкониятлари юксак бўлади. Илгари олимлар борлиқнинг барқарор, динамик қонунларини ўрганишга эътибор бериб келган бўлсалар, эндиликда парадигма борлиқнинг номувозанат, нотурғун, беқарор ҳолатлари ва статик қонунларини ўрганишга йўналтирилди ва бу вазият долзарб муаммога айланди. Муаллиф ушбу мақолада ўз-ўзини ташкиллаштирувчи тизимларни ўрганувчи синергетиканинг пайдо бўлиши фан парадигмасини тамомила ўзгартириб юборганлигига эътибор қаратган. Жамиятнинг ўз-ўзини ташкиллаштирувчи омилларни ўрганиш тамомила янги натижаларга олиб келди. Хусусан, беқарорлик, хаос, энтропийлик, флуктуация, ва бифуркация ижтимоий тизимнинг мувозанат ҳолатидан узоқлашувчи ҳолатлари унинг, нормал ҳолати эканлиги аниқланди. Бу ҳолатларнинг ҳам бузувчи, ҳам тузувчи табиати ўрганилди. Хусусан, хаос эски тизимнинг емирилиши ва янги тизимнинг ўз-ўзини ташкиллаштиришига шароит яратиб бериши қайд қилинди.