Шафтолидаги ун шудринг касаллиги хавфли касалликлардан бири ҳисобланади. Касаллик Ўзбекистонда барча вилоятларда тарқалган, айниқса ёш ниҳоллар кучли зарарланади. Касалланган барг, ёш новда ва меваларда замбуруғ мицелийси, конидиофоралари ва конидияларидан ташкил топган оқ ғубор пайдо бўлади. Зарарланган барглар ва новдалар хунук, қинғир-қийшиқ шакл олади, ўсишдан орқада қолади, барглар қурийди, новдалар учидан пастга қараб қурийди, ниҳоллар ўсишдан тўхтайди.