Кишилик жамияти доимо ривожланишда, тараққиётдадир. Жамиятнинг ривожланиши эса ўз хусусиятлари, мазмуни, мақсади ва йўналишларига кўра турлича кечади. Ижтимоий-сиёсий, илмий-техникавий тараққиёт жамиятнинг қиёфасини белгиловчи асосий ҳодисалар саналади. Бир сўз билан айтганда, ижтимоий соҳалардаги ўзгаришлар инсонларнинг яшаш қобилияти динамикасини белгилайди. Жамиятнинг ривожланиб бориши ҳамда инсондаги билим доирасини муттасил равишда кенгайиб туриши тилда бу жараёнларнинг доимо янги атамалар билан ифодаланиб туришини талаб қилади. Мазкур мақолада сўз кўп маънолилик хусусияти, битта сўз остида бир неча маънони ифодалаш мумкинлиги, маъно кўчиш усуллари ҳақида сўз боради.