Тадқиқотимизнинг мақсади юқори хавфи бор артериал гипертонияли (АГ) беморларда сурункали буй- рак касаллигининг (СКБ) юрак-қон томир ремоделланишига таъсирини аниқлаш. Тадқиқот материали ва методлари. РИКИАТМ артериал гипертония (АГ) бўлимида даволанган 100 нафар гипертония ва юрак-қон томир асоратлари хавфи юқори бўлган, ўртача ёши 62,2 ± 9,79 ёш бе- морлар киритилди, эркаклар 51 нафар, аёллар 49 нафар. Барча беморлар юқори хавфли АГни таш- хислаш протоколи бўйича текширувлардан ўтказилди: ЭКГ, Эхокардиография, допплер-ЭХОКГ, брахи- оцефал артериялар ультратовушли текшируви, АБСМ, қоннинг биокимёвий таҳлили, сийдикдаги аль- бумин миқдори. Беморлар ҳисобланган коптокчалар фильтрацияси тезлиги (ҳКФТ) кўрсаткичи бўйича 2 гуруҳга бўлинди: 1-гуруҳ ҳКФТ < 60 мл/мин/1,73м2 (n = 43), 2-гуруҳ ҳКФТ >60 мл/мин/1,73м2 (n = 57). 1-гуруҳ беморларда СБК нинг 3А (n = 35) ва 3Б (n = 8) босқичи ташхисланди. Олинган натижалар. 1-гуруҳ беморлар 2-гуруҳга қараганда статистик ишончли катта ёшда бўлишди ва АГ давомийлиги ҳам ишончли фарқланди. Систолик ва диастолик артериал босимнинг офис ва амбулатор кўрсаткичларида гуруҳлараро тафовут аниқланмади. Пульс босими 1-гуруҳда ишончли юқори бўлди. 1-гуруҳ беморларда асоратлардан мия инсульти, 2-гуруҳга қараганда ишончли кўп уч- ради. 1-гуруҳ беморларда 2-гуруҳга қараганда сийдик кислотаси ва микроальбуминурия миқдори, чап қоринча гипертрофиясининг кўрсаткичи ва уйқу артерияси интима-медиа қалинлигининг ортиши ишончли юқори бўлди. Хулоса. Юқори хавф АГли беморларда, АГ нинг давомийлиги, катта ёш, пульс босими ва гиперурике- мия билан узвий боғланган сурункали буйраклар касаллиги, юрак-қон томир ремоделланиши, нефро- склероз жараёни ва юрак-қон-томир асоратлари ривожланишининг предиктори сифатида аниқланди.