2-turdagi qandli diabetga chalingan bemorlarda yurak-qon tomir kasalliklari xavfini va uzoq muddatli davolanishga ehtiyojini hisobga olgan holda, glukozani kamaytiradigan terapiyani tanlashda gipoglikemik doridarmonlarga ustunlik berish kerak, chunki ular yurak-qon tomir kasalliklarining rivojlanish xavfini kamaytiradi, ayniqsa, yurak-qon tomir kasallirlari aterosklerotik zararlanishi va surunkali buyrak kasalliklari bilan birga kechganda. Dipeptidil peptidaza-4 (i-DPP-4)ning ingibitori, qonda glukoza miqdorini pasaytirish uchun yo‘naltirilgan terapiya hisoblanadi. I-DPP 4 preparatlarida gipoglikemiya va boshqa nojo‘ya hodisalar xavfi past va ular vazn ortishi bilan bog‘liq emas. So‘nggi paytlarda i-DPP-4 tobora ko‘proq sulfanilmochevina, metformindan keyin ikkinchi darajali terapiya sifatida almashtirilmoqda va metformin / DPP-4 ingibitori bilan biriktirilgan dozali birikmalar ko‘p. DPP-4 ingibitori, shuningdek, metformin va natriy glukoza tashish oqsili 2 (SGLT2) ingibitori yoki metformin va insulin bilan uch tomonlama davolash bo‘yicha tavsiya etiladi. Ushbu sharhda koronar arteriya kasalligi va 2-turdagi qandli diabet bilan og‘rigan bemorlarda I-DPP-4 klinik qo‘llanilishida yurak-qon tomirlar kasallirlari xavfsizligini tahlil qilishga e’tibor qaratiladi