Қорақалпоқ тилидаги сўз ясовчи аффиксларнинг айримлари ижтимоий-сиѐсий тушунча атамаларини ясашда қўлланилади. Аффикслар ѐрдамида асосан қуйидаги маънодаги атамалар ясалади: ижтимоий -сиѐсий ҳаѐтга боғлиқ абстракт тушунчалар; шу йўналишга тегишли абстракт маъно билдирувчи тушунчалар; жамият аҳволига ва идео-логик муҳитга боғлиқ инсонларни атаб кўрсатадиган тушунчалар. Шу билан бирга, аффиксларнинг қўлланилиш усули ҳар хил. Айрим аффикслар ѐрдамида бир қанча терминлар ясалади. От, феъл, сифат сўзларга аффикслар қўшилиши орқали ижтимоий-сиѐсий сўзлар ясалади. Ижтимоий-сиѐсий лексика ясалишида тилдаги аффикслар-нинг барчаси тенг қўлланилмайди. Ҳар бир лексика-семантик гуруҳда кенг қўлланиладиган аффикслари бор. Шу билан бирга, бир лексик-семантик гуруҳда аффикслар унумли бўлса, баъзи, иккинчи бир лексик-семантик гуруҳ учун улар унумсиз бўлиши мумкин.