Mazkur ish kremniy asosidagi quyosh elementlari xususiyatlarini o’rganishga bag’ishlangan. Kremniyda tok tashuvchilarning diffuziya uzunligi Galliy arseniddagidan kattaligi sababli, yorug’lik ta’sirida hosil bo’lgan tok tashuvchilar ko’proq to’planishi undan foydalanishning qulay tomonlaridan biri ekanligi ko’rsatilgan. Kremniyli quyosh elementlari ochiq fazoda ishlatilayotganida uning xususiyatlarini buzuvchi “radiatsion nuqsonlar” asosiy bo’lmagan tok tashuvchilarning yashash vaqtlarini uzunligini kamayishiga olib kelib,quyosh elementining hajmida yorug’lik ta’sirida optik qo’zg’alishlarga sezgir markazlarni kamaytirishi belgilab o’tildi.