Аннотация. Мақолада иконографик белгилар пайдо бўлишининг тарихий аспекти ахборотни узатишда семантик ва коннотатив маънони ифодалаш воситаси сифатида кўриб чиқилади ва улар замонавий новербал коммуникация воситалари билан ўзаро таққосланади. Новербал коммуникация воситаларидан келажакда фойдаланиш векторини аниқлаш мақсадида 1990–2019 йилларда ижтимоий тармоқларда новербал коммуникация воситаларининг ривожланиш динамикаси тадқиқ этилди. Маълум ахборотни узатишда вербал коммуникация воситаларига нисбатан новербал коммуникация воситаларининг фоиз улушида сезиларли пропорционал устунлик мавжуд экани қайд этилди. Мақолада интернетнинг ижтимоий тармоқларида новербал коммуникация воситалари ва уларнинг қўлланилиши таҳлили асосида улардан фойдаланишни соддалаштириш мақсадида бу воситалардан фойдаланишда тизимлилик ва илмий ёндашув зарурлиги муаммоси кўтарилади. Соддалаштиришга бўлган еҳтиёж ижтимоий тармоқларда мулоқот суръатининг тезлашиши ва график белгилар сонининг ортиши натижаси бўлиб, у ёки бу ахборот моҳиятини очишда унга керакли даражада коннотативлик беришидан келиб чиқади. Белгилар сонининг ортиши натижасида уларни танлаш ва коннотатив маъносини тўғри баҳолашда қийинчиликлар юзага келади.