Erasmus + “DSinGIS: Geoinformatika sohasida doktorantura” loyihasi doirasida O'zbekistonda Geoinformatika bo'yicha yangi tayanch doktorantura dasturi yaratildi. Loyihaning maqsadi geoinformatika yordamida O'zbekistonni barqaror rivojlanishda qo'llab-quvvatlashdir. PhD dasturi va unga qo'yiladigan talablar, ingliz va/yoki o'zbek tilidagi interaktiv o'quv-uslubiy materiallar xalqaro standartlarga va o'zbek ta'lim tizimiga muvofiq ishlab chiqildi. Ushbu maqolada dastur va uning ta'lim infratuzilmasi haqida qisqacha ma'lumotlar berilgan.