Mazkur maqolada zamonaviy tilshunoslikning frazeologiya sohasi, uning shakllanish tarixi, somatizmlar ishtirok etgan iboralarning zamonaviy tilshunoslikda o„rganilganlik darajasi, o„rganish masalalari hamda muammolariga alohida to„xtalgan. Somatizmlar ishtirokidagi iboralarning o„ziga xosligi, shu bilan birga inson ruhiy, hissiy, jismoniy holatini ifodalashda somatizmlarning ahamiyati haqida so„z boradi. Iboralar qay bir tilda bo„lmasin, eng muhim va o„ziga xos birliklari hisoblanadi. Ular orqali butun bir xalqning tarixi, madaniyatini o„rganish mumkin. Maqola doirasida “og„iz” somatizmi ishtirok etgan iboralarning “ovqatlanish” bilan bog„liq bo„lgan lingvomadaniy aspektlari, ularni zamonaviy tilshunoslikda o„rganish masalalari va mazkur iboralarda inson obrazi va xarakterining namoyon bo„lishiga oid ilmiy ishlarni tahlil qilgan holda, misollar orqali lingvomadaniy jihatdan yondashgan holda yangi xulosalarni berishdan iborat.