Tabiatni oʻz holicha saqlash, o’simliklar va hayvonot dunyosini kelajak avlodga shundayligicha yetkazish bizning oldimizda turgan vazifalardan biridir. Tabiatni oʻzgarmas shaklda saqlash, uning genafondini asrash qoʻriqxona vazifalaridan sanaladi. Qoʻriqxonalarda ilmiy ishlarning asosiy yoʻnalishlari oʻsimlik va xayvonot dunyosi xisobini tahlil qilish, ularni ko’paytirish, yashash uchun qulay sharoitlar yaratish, ko’pgina turlarning ekologiyasi va biologiyasini o’rganish kabi ishlar olib boriladi. Ana shunday qo’riqxonalardan Nurota davlat togʻ-yongʻoq qoʻriqxonasi. Forish tuman hududida joylashgan Nurota davlat qoʻriqxonasi va Biosfera rezervati qoʻriqxonalarining o’simlik va hayvonot olami oʻrganilgan va unda bu sohada ilmiy ishlar olib borilmoqda. Jumladan Qizilqum qoʻyi (Severtsov qoʻyi) Nurota davlat qoʻriqxonasi tashkil qilinmasdan oldin 100 taga ham etmas edi. Hozirgi kunda ularning soni 2000 taga etdi.