Ҳеч ўйлаб кўрганмисиз, нега баҳор фаслини аѐлларга қиѐслашади? Мафтункорлигу гўзалликни ўзида жамлагани учунми? Шу фаслнинг обҳавосидек ўзгарувчан атворга эгалиги боисдир балки? Аѐллар байрами баҳорнинг илк тароватли кунларида нишонлангани учундир? Не бўлганда ҳам аѐл ҳусну латофатини баҳор гулларига, феъл-атворини эса об-ҳавосига қиѐс этиш мумкин. Шу ўринда бир савол пайдо бўлди. Аѐлнинг эгилса-да, букилсада синмас иродаси, метин матонатини нимага менгзасак бўлади? Келинг, шу саволга бирга жавоб излаймиз. Тасаввур қилинг, кўмир конида пайдо бўлиб қолдингиз ва кўмирлар орасида базўр кўринаѐтган нарсага кўзингиз тушди. То уни қўлга олиб, артиб, тозалаб кўрмагунингизча уларнинг оппоқ дурлар эканлигига ишона олмайсиз. Уларнинг нима учун денгиз тубида эмас, кўмирлар орасида қорайиб ѐтганига ҳайрон бўласиз. Тарихга эътибор берадиган бўлсак, ҳар бир буюк шахс ортида аѐл сиймоси турганини кўрамиз. Чунки бутун бир миллатни аѐл дунѐга келтиради, аѐл тарбиялайди.Матонатли бу аѐллар орасида узоқ умр кўриб, қийинчиликлар олдида қаддини букмай мардона курашганлар ва алалоқибат ѐруғ кунларга етиб келганларни тушинамиз. Авлодлар давомийлигини таъминлаш, фарзандлар тарбияси, рўзғор ишлари аѐллар зиммасида. Қадим момоларимизнинг зукколиги, билимдонлиги сабаб Беруний, Ибн Сино, Имом ал-Бухорийдек буюк зотлар вояга етган. Аслида, оилани ҳам, жамиятни ҳам бирлаштириб катта кучга айлантира оладиган зот бу аѐллардир Аѐл ким? Бироз жумбоқли савол-а? Аѐлнинг ўзи ҳам тушунмас сирли олами, нозик қалби бизни ҳайратда қолдиради. Аѐл бир зумда қушдек чақнаса, бирпасда англаб бўлмайдиган тушкунлик қуршовида қолади