Ушбу мақолада турли ишлаб чиқариш шароитида тиш фрезалаш учун йиғиладиган дискали модулли фрезанинг янги конструкцияси ёрдамида цилиндрик тишли ғилдираклар тишларини кесиш технологиясини такомиллаштириш, асбобсозлик материаллари учун харажатларни камайтириш ва йиғиладиган дискали фрезанинг конструкциясини ўзгартириш ҳисобида уларни тайёрлашни осонлаштириш масалалари кўрилган. Мазкур конструкциянинг моҳияти шундан иборатки, эвольвент профилли тишли ғилдираклар тишларини кесишдаги радиаль тепиш минимал даражага туширилади, қайсики тиш кесиш операцияси токарлик дастгоҳларида амалга оширилади. Йиғиладиган дискали фрезанинг иқтисодчан конструкциясини лойиҳалаш асосида профиль шакли эвольвентли бўлган тишли ғилдиракларга ишлов беришнинг янги технологияси тавсия этилмоқда. Мақолада тиш фрезалаш фрезасининг конструктив параметрлари тўғрисида фикр юритилган, тиш фрезалаш фрезаларининг афзалликлари ва камчиликлари келтирилган. Бунда ҳар хил кесиш схемасига эга бўлган фрезанинг конструктив ва геометрик параметрларини аниқлашга асосий эътибор қаратилган. Таърифланган усулларда лойиҳаланаётган асбоблар тишли ғилдиракларни кичик серияли ишлаб чиқариш учун қўлланилади.