Ҳозирги шароит сақланиб қолинса, Айдар-Арнасой кўл тизими (ААКТ) сувининг туз миқдори яқин йиллар орасида кўпайиб, сув ҳавзасида балиқчиликни ривожлантиришга тўсқинлик қилувчи асосий фактор бўлиб қолади. Сув тузлигининг прогрессив равишда ошишини секинлаштирувчи омиллардан бири об-ҳаво ёғингарчилиги кўпайиши билан бир қаторда, коллектор дренаж сувлар миқдорини (ўтган йилларга нисбатан) ортиб бориши ҳисобланади. ААКТнинг айрим акваторияларида гидрохимик режим- ни стабиллаштиришнинг яна бир варианти Тузкон ва Айдар кўллари орасига сув йўлини тўсувчи дамба қуришдир. Бу сув ҳавзалари ўртасида ҳозирда сув босган табиий бурун мавжуд. Гипотетик дамба мавжуд бўлган ҳол учун гидродинамик модель асосида Тузкон кўлининг тузлигини ўзгариши ҳисобланди. Олинган натижалар шу усул билан кўл минераллашини бошқаришда янада кўп йўллар борлигини кўрсатди.