O’zbekiston Respublikasining tog’ oldi hududlari, adirlar hamda bog’larida uchrovchi Qora zirk (Berberis oblonga Schneid) o’simligi mevasining kimyoviy tarkibini o’rganish va shu asosida undan yangi dorivor biologik faol qo’shimcha olish haqida. Avval o’simlik mevasini TN-300 rusumidagi vakuumli ekstraktor yordamida suv-etanol (70-30) eritmasi bilan past haroratda ekstraksiya qilindi. Dorivor o’simlik biologik faol moddalarga boy ekanligi ayniqsa bioflavanoidlar va organogen elementlar ko’p saqlaganligi bilan ahamiyatlidir. Odam organizmining immun tizimi uchun kerakli bo’lgan vitaminlar, mikro- hamda makrobiogen elementlarni saqlaganligi sababli immunostimulyatorlik hossaga egadir. O’simlik tarkibida antioksidant faollikka ega bo’lgan vitamin C kabi moddalar tutganligi sababli yuqori antioksidant ta’sirga ega bo’lgan tabiiy shifobahsh ozoq-ovqat qo’shilmalari olish mumkin.