Ушбу мақолада институт ходимлари томонидан яратилган ва 2020 йилда Давлат реестрга киритилган маҳаллий қаттиқ буғдойни “Истиқлол-25” навинининг экиш меъёри (3,0;4,5; 6,0 млн/га ) ва минерал ўғит меъёрлари (N-120 P-90 K-60; N-150 P-113 K-75; N-180 P-135 K-90 кг/га) униб чиққан майсалар ва дала унувчанлиги, дон ҳосилдорлиги ва уруғлик сифатига таъсирлари ўрганилган. Олиб борилган изланиш нати жаларига кўра, най ураш фазасидан бошоқлагача бўлган вақт давомида репродуктив органларнинг интенсив шаклланиши, жадал равишда вегетатив масса тўпланиши кўзатилди. Ўсув жараёнининг интенсив кечиши маълум даражада ташқи муҳитга ва намлик билан таъминланиш даражасига боғлиқлиги ва бошоқларнинг катталигига қўлланилган минерал ўғитларнинг меъёрларини таъсири ҳамда уларнинг тўғри нисбатларда қўлланилиши натижасида бўлганлиги кузатилди. Ўсимлик намлик билан етарли даражада таъминланганда, ўсиш жараёни сезилари ривожланиши авж олиб, ўсимликда етарли даражада ҳосил тўпланишига ижобий таъсир этди. Бошоқ шаклланадиган даврида ўсимликлар азот билан озиқлантириш ҳисобига бошоқчалар сони купай ди ва бошоғи сердон бўлди. Кузги буғдой майсалаш, тупланиш, най ўраш фазаларида ўсимликда генератив органларнинг ҳамда илдиз системасининг шаклланишига ва ўсишига фосфорли ўғитларнинг ижобий таъсири кузатилиб, тупроқ тубига чуқур кириб боришига ёрдам берди. Тупроқ фосфор билан таъминланиши бошқа озиқа моддаларнинг ўсимлик томонидан шимилиши ва ўзлаштирилиши тезлашди, шунингдек, ўғитлар сама радорлиги ортди. Ўсимликнинг жадал ўсиб ривожланишида касаллик ва зараркунандаларга чидамлилигига калий ўғит меъёрларининг (К-60; К-75; К-90 кг/га) таъсири аниқланди. Калий ўғитини турли хил меъёрларининг кузги буғдой экиш олдидан солиниши ҳисобига ўсимликнинг поялари бақувват ўсиб, совуққа ва қишга, ётиб қолишга чидамлиги ортди. Зарафшон водийси шароитида суғориладиган ерларда кузги буғдойнинг интенсив типдаги Истиқлол-25 нави учун юқори ҳосил ва сифатли уруғ олишда, экиш меъёри 4,5 млн. дона унувчан уруғ/га ва ўғит меъёри NPK 180:135:90 кг/га қўллаш ижобий самара бериши билан бир қаторда, ғаллачиликда юқори иқтисодий рентабелликга эришишни таминлайди.