Ушбу мақола Мовароуннаҳрда XII асрда яшаб ижод этган ҳанафий мазҳабининг беназир фақиҳлари Бурҳониддин Марғиноний, Ифтихоруддин Тохир ал-Бухорий, Алоуддин Самарқандий, Алоуддин ал-Косоний каби йирик алломаларнинг илмий фаолиятини таҳлил қилишга бағишланган. Мақолада мазкур алломаларнинг бугунги даврда ҳам аҳамиятини йўқотмаган машҳур асарларининг тузилиши, услуби, ундаги боблар ва мавзулари ҳам илмий таҳлил этилган. Шунингдек, мақолада улар асарларининг фиқҳ илмида тутган ўрни ҳақида алоҳида тўхталиб Маворауннаҳр алломаларининг оилавий муносабатлардаги қарашларида ўз ифодасини топган умуминсоний қадриятлар ва инсонпарварлик ғоялари, Шарққа хос ахлоқий тарбия тамойиллари ҳақида бевосита фиқҳий манбаларни таҳлил қилган ҳолда хулосалар берилган. Бундан ташқари мақолада оила аъзолар онгига миллий ғоя, оилавий қадриятлар, ватанпарварликни сингдиришда минтақада азалдан анъана сифатида қаралган муқаддас манбаларда мустаҳкамланган ислом таълимотидаги оилавий муносабатларнинг моҳияти, никоҳ риштасининг муқаддаслиги, оила аъзолари ўртасидаги ўзаро шахсий ва мулкий ҳуқуқ ва мажбуриятлар, она ва фарзанд муносабатлари, қариндошчилик алоқаларига оид бурч, масъулият каби тамойилларнинг ўзига хос хусусиятлари ва ижтимоий-иқтисодий, маънавий-маданий асосларига алоҳида урғу бериш лозимлиги ҳам таҳлил этилган.