Дунёда артемизинин энг хавфли паразитар касалликлардан бири булган безгак паразитини даволаш учун бошқа дори воситалари билан биргаликда ишлатилади. A. annua таркибида артемизинин миқдори жуда кам (~0,5-1,2%) бўлганлиги сабабли, артемизининга бўлган талабни қондира олмайди. Бу муаммони ҳал қилиш учун микроорганизмларда, Artemisia annua ва бошқа ўсимликларда метаболомик мухандислик ва ген мухандислиги усулларидан фойдаланилади. Ушбу шарҳий мақолада яқин йилларда ўрганилган артемизининнинг биосинтез йўли, унда иштирок этадиган генлар ҳақида малумот берилган. Метабаломик мухандислик орқали артемизининни Artemisia annua ва бошқа ўсимликлардан кўп миқдорда олиш имконияти мавжуд. Бу эса келажакда артемизинин нархини пасайтириши ва бутун дунё бўйлаб миллионлаб одамларга катта фойда келтириши мумкин.