Заҳириддин Муҳаммад Бобурнинг илмий ва адабий меросини ўрганиш, Осиё ва Ҳиндистон маданий ҳаётида эгаллаган улкан ўрнини тадқиқ қилиш ҳамиша долзарб. Бобур Осиёда ҳукмронлик қилган феодал маданиятнинг энг яхши вакилларидан бири сифатида танилиб, ҳинд-мусулмон маданияти, тарихшунослиги ривожига катта ҳисса қўшган намоёндаларидан бири.Унинг тарихчи, географ, этнограф, насрий ёзувчи ва шоир сифатидаги хизматлари бугунги кунда жаҳон шарқшунослари орасида ҳам тан олиниб, олим сифатида ҳам эътироф этилишига сабаб бўлмоқда.