Har qanday mamlakatning ertangi kun istiqboli shu mamlakat yoshlarining yuksak tarbiyalanganlik darajasiga bog’liq. Shu boisdan, o’sib kelayotgan yosh-avlodni har jihatdan mukammal shaxs sifatida kamol topishini ta’minlash maqsadida mamlakatimizda ta’lim-tarbiyaviy ishlar samaradorligiga juda katta e’tibor qaratib kelinmoqda. Bu borada, ota-onalar, ta’lim muassasalari va mahalla jamoatchiligi tarbiyaviy kuchlari birlashtirilib, pedagogik hamkorlik asosida yosh-avlodni mamlakat rivoji uchun munosib farzand etib tarbiyalashda yetakchi ahamiyat kasb etib, tarbiyadagi izchillik va birlikni mustahkamlashga xizmat qilib kelishmoqda. Ushbu, hamkorlik faoliyatining samaradorligi bugungi kun yoshlarining aqlu-zakovati, dinu-diyonati, yuksak ma’naviyati orqali baholanadi. Mazkur maqolada O’zbekistonda yoshlarni ma’naviy-axloqiy tarbiyalashning samaradorligini aniqlash-ning dolzarb masalalari ko’tarilgan bo’lib, tarbiya tizimini kvalimetriyalash, ya’ni, tarbiya sifatini kompleks baholash muammosi haqida keng fikr yuritligan.