Ушбу шарҳ мақолада ўткир коронар синдромда, шунингдек тери орқали коронар амалиётда ГМГ КоА – редуктаза ингибиторлари (статинлар)ни қўлланилиши устида ўтказилган тадқиқотлар (ARMYDA, NAPLES II, MIRACL, ARMYDA-ACS, JUPITER, LUNAR) ва мақолалар умумлаштириб берилган. Ушбу клиник ва тадқиқот ишларида статинларнинг юрак ишемик касаллигининг ўткир формаларида липид миқдорини камайтириш, яллиғланишга қарши ва бошқа плейотропик таъсирлари қайд этилган. Шунингдек, статинларнинг миокардиал станнингга таъсири устида муаллифлар томонидан ўтказилган тадқиқотлар натижалари ва хулосалари киритилган.