Tilshunoslikda turkiy tub so‘zlarning fonetik tarkibi haqidagi fikrlar xilma-xil. Turkiy tub so‘zlar tarixan K+V+K fonetik tarkibga borib taqalar ekan, shu fonetik tarkibga ega turkiy so‘zlargina tub so‘z deb qaraladi. Shu fonetik tarkibga ega hozirgi turkiy so‘zlarning hammasi ham tarixan turkiy tub so‘z deb tan olinavermaydi. Turkiy so‘zlarning tub so‘z qolipida bo‘lgan shundaylari ham uchraydiki, ular tarixan biror tub so‘zning maʼlum bir grammatik shaklida bo‘lib, fonetik taraqqiyotga ko‘ra turkiy tub so‘z qolipiga kelib qolganligi kuzatiladi. Mazkur maqolada tarixiy-qiyosiy tahlil metodi asosida turkiy tub so‘zlarning fonetik tarkibi o‘rganilgan. Maqolada turkolog olimlarning, jumladan M.Mirtojiyevning ilmiy-nazariy qarashlari asos qilib olingan. Natijada, turkiy tub so‘zlarning tuzilishi haqidafi faktlar izohlandi. Bu faktlarni izohlashda M.Mirtojiyevning turkiy tub fe’llarning ustida olib brogan tadqiqotlaridan foydalanildi.