Бугунги ислоҳотлар, ижтимоийиқтисодий муносабатларнинг ривожланиш тенденцияси меҳнат муносабатларининг ўзгариши, камбағаллик ва ишсизлик даражасини камайтириш, хусусан, мамлакатда демократик ислоҳотларни амалга оширишда қишлоқ жойларида аёллар меҳнатини ташкил этишда янгича ёндашувларни тақозо қилмоқда. Ҳудудларда, айниқса, қишлоқ жойларда аҳолининг аксарият қисми етарли даромад манбаига эга эмас. Мазкур мақолада республикамизда аёллар учун қишлоқ хўжалигининг нисбатан янги соҳаларида иш ўринлари ташкил этиш ва улардан унумли фойдаланишни такомиллаштиришга доир тавсиялар таклиф қилинган. Тадқиқот предмети аёллар иш билан бандлигини оширишнинг ижтимоий-иқтисодий механизмларини татбиқ этиш жараёни ҳисобланиб, унинг мақсади камбағалликни камайтиришда аёллар бандлигини ошириш самарали ижтимоий-иқтисодий механизмларининг методологик ва методик асосларини яратиш асосида ишсизликни камайтириш бўйича илмий асосланган хулоса ва тавсияномалар ишлаб чиқишдан иборат. Аёлларнинг меҳнат бозорида иштирок этишини чекловчи кучли ижтимоий стереотиплардан келиб чиққан ҳолда, иш билан бандлигини таъминлашни такомиллаштириш тадқиқотнинг долзарблигини оширади. Аёллар учун бўш иш ўринлари тўғрисидаги ахборотларнинг ўз вақтида етказилиши чора-тадбирларини белгилаш орқали рақамли иқтисодиётга ўтиш шароитида ахборот технологияларини жорий қилиш ва ривожлантириш бўйича таклифлар ишлаб чиқилган.