CONVOLVULUS ARVENSIS L. ҚУРУҚ ЭКСТРАКТИНИНГ ФАРМАКОЛОГИК ХУСУСИЯТЛАРИ

Convolvulus arvensis L. ўсимлигидан олинган Конварен препаратининг лабаратория ҳайвонларида маҳаллий қитиқловчи, аллергик таъсирлари ҳамда кумулятив хоссалари ўрганилди. Конварен препаратининг 0,5-5% сувли эритмалари тери юзасига суртилганда эритема, шиш ва қизариш ҳолатлари қайд этилмади. Унинг 10% ли сувли эритмаси тажриба ҳайвонларининг кўз шиллиқ пардасига томизилганда ҳам нохуш таъсирлари кузатилмади. Препарат тажрибанинг 1-5 кунларида 50 мг/кг, 5-10 кунларида 100 мг/кг 11-15 кунларида 500 мг/кг ҳамда 16-20 кунларида 1000 мг/кг миқдорида оғиз орқали юборилганда ҳам унинг орган ва тўқималарда кумулятив хоссаси йўқ эканлиги аниқланди. Бундан ташқари Конварен ўрганилган миқдорларда марказий нерв тизимига тинчлантирувчи таъсир кўрсатади, хусусан ухлатувчи ҳамда наркоз воситаларининг таъсирини кучайтиради.