JSSTning ma’lumotlariga ko‘ra oxirgi yillarda qandli diabet kasalligi butun dunyoda juda ham keng tarqalmoqda. Xalqaro statistika ma’lumotlariga ko‘ra har 10 soniyada butun dunyoda 1 ta bemor vafot etadi, 2 ta odam kasallanadi. Har yili esa 4 million bemor qandli diabet va uning asoratlaridan vafot etadi. Qandli diabet bilan kasallangan bemorlarda umumiy bemorlarga qaraganda yurakning ishemik kasalligi rivojlanish xavfi 2-4 marta, o‘tkir miokard infarkti rivojlanishi esa 6-10 marta yuqori. Yurakning ishemik kasalligining bir xil ifodalangan qandli diabeti bor va qandli diabeti yo‘q bemorlarda o‘lim holatlari 2-4 martgacha ko‘p uchraydi. Shu bilan bir qatorda qandli diabet bilan kasallangan 2/3 bemorlarda jiddiy asoratlar insult, oyoq va qo‘llarning gangrenasi, miya insulti kabilar rivojlanadi. Qandli diabet kasalligida qon tomirlardagi o‘zgarishlar natijasida rivojlanadigan asoratlar ko‘p uchrashini hisobga olsak, bu muammo dolzarb va ijtimoiy xarakterga ega. Qon tomirlarning morfologiyasiga bag‘ishlangan ilmiy ishlar tahlil qilinganda, bu ishlarning ko‘p qismi yurak, koronar qon tomirlar va qon tomirlarning periferik qismlariga bag‘ishlanganligini aniqlandi.