Jahon Sog’liqni Saqlash Tashkilotining (JSST) 2020-yildagi ma’lumotlariga ko’ra, yangi koranavirus infeksiyasi COVID-19 ko’plab mamlakatlarda juda tez tarqaldi va pandemiya darajasiga etdi va JSST ning global muammolaridan biri bo’lib kelmoqda. Ishning maqsadi: COVID-19 o’tkazgan bemorlarda qalqonsimon bez xolatini o’rganish. Tadqiqot ob’ektlari va tekshirish usullari:Tadqiqot ob’ekti sifatida Farg’ona viloyati “Doktor Fatxullo” MChJ klinikasiga ambulator ravishda davolangan 84 ta bemorlar tahlil qilindi. Tadqiqotda quyidagi tekshirish usullaridan foydalanildi. Bular qalqonsimon bez (QB) palpatsiyasi, Ultra Tovush Tekshiruvi(UTT), tireoidli gormonlarning RIA aniqlash (TTG, T4 erkin, Anti TPO) va tugun biopsiyasi ko’rsatmalar bo’yicha. Ilmiy tadqiqot natijasi: Сovid – 19 o’tkazgan bemorlarni qalqonsimon bez xajmi kattalashganligi, ya’ni 30 ta bemor (35%) ni tashkil qilganligi kuzatildi. Auto Immun Tireoidit esa 35 ta bemorda (42%) ni tashkil qildi va ularda qalqonsimon bezning funksiyasi pasayganligi (35%)da aniqlandi. Va eng xavflisi, bezning tugunli xosilalari ya’ni Tugunli buqoqlar 19 ta bemorda (23%) bo’lganligi aniqlandi. Biz bu tadqiqotimizda qatnashgan bemorlarimizni tahlilini tekshirib ko’rib shunday xulosaga keldik. Bunday bemorlarga kompleks davo muolajalarini olib borib, ularning hayot sifatini yaxshilashga, asoratlarini oldini olishga qaratishimiz kerak.