Yer ostidan metallarni eritmaga o’tkazish texnologiyasi bilan ajratib olishda oldindan burg’ulangan quduqlar tizim orqali yuboriladigan ishchi eritlmalar hamda so’rib olinadigan mahsuldor eritmlar orqali ajratib olishga asoslangan. Ushbu jarayonlar natijasida qattiq holatdagi foydali komponent eritma tarkibiga o’tadi. Bu holatda ishchi eritmalar doimiy ravishda tog’ jinslarining g’ovaklik qismlari orqali sizib o’tadi. O'rganilayotgan jarayon filtratsiya deb ataladi va madanlardan metallarni samarali ajratib olish uchun foydali komponentni ajratishdagi asosiy shartlaridan biri bo'lib, ma’danda kechadigan gidrodinamik parametrlarini nazorat qilishda muhim ahamiyat kasb etadi. Ushbu tadqiqotda mahsuldor qatlam ma’danlarining suv oʻtkazuvchanligining pasayishi Oʻzbekistondagi uranni yer osti eritmaga o’tkazish konlarida texnologik eritmalarni yuborish hamda so’rib olish dinamikasiga bogʻliqligini aniqlash boʻyicha ishlar bayon etadi.