Maqola fors tilida eng muhim grammatik kategoriyalardan biri — qo‘shma fe’llar yasalishi tahliliga bag‘ishlangan. Unda qo‘shma fe’l yasalishining qator modellari keltirilib, fors tilidagi qo‘shma fe’llarning yasalish strukturasi aniqlandi, ularning tarkibiy qismlari hamda struktur-semantik tipologiyasi tadqiq etilgan. Maqolada qo‘shma fe’llarning tarkibiy qismlari, sodda fe’llarni “parchalash”, “bo‘lish” orqali qo‘shma fe’llar yasalishi, bunday qo‘shma fe’llarning birinchi komponenti sifatida o‘sha asos qilingan fe’lning (o‘zak) negizi, sifatdosh shakli, harakat nomi xizmat qilishi, mazkur qo‘shma fe’llarni ularning yasalishiga asos bo‘lgan sodda fe’llar bilan o‘zaro semantik munosabatiga ko‘ra qator guruhlarga ajratish mumkinligi yoritilgan. Shuningdek, qo‘shma fe’l yasalishida o‘zlashma so‘zlarning o‘rni tadqiq etilish asnosida fors tilida qo‘shma fe’llarni o‘zlashma so‘zlar ishtirokida yasalish muammolari o‘rganildi. Ma’lumki, arab tilining fors tiliga ta’siri katta, shu jihatdan qo‘shima fe’llar yasalishida ham arabiy o‘zlashmalar yetakchiligi kuzatilishi bayon etildi. Yevropa tillaridan o‘zlashmalar yordamida ham fors tilida qo‘shma fe’l yasalishi mahsuldor sanalib, asosan neologizmlarni ifodalovchi o‘zlashmalar qo‘llanishi ma’lum bo‘ladi.