Amerika Qo‘shma Shtatlarida 2002 va 2003 yildagi media muvaffaqiyatsizliklar to‘foni, ayniqsa, New York Timesdagi holatni kuzatganidan so‘ng, AQSHning Iroqdagi urushini yoritishda yo‘l qo‘ygan kamchiliklarini tasvirlar ekan, muallif, jurnalistik surishtiruvlar olib borgan sobiq muxbir, watchdog jurnalistika qanday ishlashi kerakligini ko‘rsatishga qaror qildi. Muallif olti Pulitser mukofoti sovrindori bo‘lgan tadqiqot loyihalarini tanlab oldi va bu loyihalar qanday boshlangani, taraqqiy etganini ko‘rsatdi. Tanlangan gazetalar: Floridadagi “The Orlando Sentinel” (1-bob), Oregondagi “The Williamette Week” (2-bob), Ohiodagi “The Toledo Blade” (3-bob), Merilenddagi “The Baltimore Sun” (4-bob), Nyu-Yorkdagi “The New York Times” (5-bob), Kaliforniyadag “The Los Angeles Times” (6-bob). Har bir bobda surishtiruv loyihasini olib borgan jurnalistlar bilan muallifning intervyulari berilgan bo‘lib, ular asosida surishtiruv loyihalari qanday olib borilgani ochib berilgan. Kitobda turli surishtiruv ko‘nikmalari yordamida haqiqatni topish yo‘li batafsil bayon yetilgan. Muallif jurnalist surishtiruv mentaliteti bilan qurollangan yekan, to‘siqlar yoki korporativ bosimdan qat’i nazar, jurnalistik surishtiruv har qanday hajmdagi gazetada yakka tartibda yoki jamoada olib borilishi mumkinligini ta’kidlab o‘tadi. Muallifning yozishicha, bunday surishtiruv mentaliteti ommaviy axborot vositalariga korporativ bosim keng tarqalgan shu kunlarda zarur.