“Ҳомиладорлик” концепти ўз ичига лингвомаъданиятларда қисман ўхшаш ва фарқланадиган миллий, мажозий ва қимматли хусусиятларни олган бир неча сўз бирикмалари, иборалар ва мақоллардан иборат. Мақолада “ҳомиладорлик” концепти ўзбек ва инглиз тилларида лингвокультурологик жиҳатдан таҳлил қилинган бўлиб, унда ўзбек ҳамда инглиз халқи амалий нутқида тиббий атамаларнинг ўрнида қўлланилувчи сўз бирикма ва ибораларнинг лингвомаъданий жиҳатлари кенг ёритилган. Муаллифлар фикрларини далиллаш мақсадида бир неча бадиий асарларга мурожаат қилиб, улардан характерли мисолларни келтиради ва улар асосида маъданиятлараро ўҳшаш ва ноўҳшаш хусусиятларни очиб беради. Тадқиқотнинг муҳим янгилиги шуки, унда ўзбек миллати инглиз халқига нисбатан “ҳомиладорлик” концепти доирасидаги сўзларни қўллаш учун, ҳолатнинг қийин эканлигини ифодалаган ҳолда, кўпроқ салбий маъно англатувчи иборалардан фойдаланиши аниқланди. Бундан ташқари, ўзбек ҳамда инглиз тили этимологик луғатларидан фойдаланган ҳолда “ҳомиладорлик” лексемаси таҳлил қилиниб, унинг тарихда мавжуд бўлган ва ҳозирда қўлланилмаётган синонимлари аниқланади. Мавзуни тадқиқ этишда бир неча изоҳли, тиббий, этимологик луғатлар ва бадиий асарлардан фойдаланилганки, бу мақоланинг илмий қимматини оширган.