Dunyoda sug‘orish tizimida nasos agregatlarini chastotaviy o‘zgartirgichlar orqali boshqarishga, nasos agregatining ish rejimlarini optimallashtirishga, hamda energiya sarfini aniqlashga katta e’tibor qaratilmoqda. Ushbu masalalarni yechish maqsadida maqolada nasos agregatlarini avtomatlashtirish masalalari ko‘rib chiqilgan. Chastota o‘zgartgich qurilmasi ishchi holatdagi yuklamada ishlaydigan qisqa tutashtirilgan asinxron elektr dvigatellarning aylanish tezligini boshqarish imkonini beradi Elektr yuritmalarni rostlaydigan chastotaviy boshqarish zamonaviy tizimlari o‘zgaruvchan kattaliklarni rostlash prinsipi asosida bajariladi. Asinxron dvigatelning avtomatik boshqarish tizimini sintezlash uchun yangi yondashuvlar o‘rganilgan. Moment va tezlikni rostlash masalalari doirasida dvigatelning stator toki va rotorning oqim ilashishi real qiymatlari rotor toki vektorining yo‘nalishi bo‘yicha sintezlash usullari tahlil qilingan. Nasos agregatlarining qisqa tutashtirilgan asinxron elektr dvigatellarini chastota o‘zgartgich qurilmasi orqali tezlik va momentni boshqarish masalarini tahlili natijasida, nasos agregatlarini avtomatik ishga tushirish, uni teskari aylantirish va tormozlash, nasos agregatlarini uzluksiz ishga tushirib ishlatishga imkon beradi, uning tezligini va nasos quvvatini bir meyorda ushlab turadi va butun nasos stansiyasining samaradorligini oshiriladi. Dvigatelning tezligini ravon boshqarishni ta’minlashda nasos stansiyasining mexanik qismini soddalashtirish, ta’mirlash va ekspluatatsiya xarajatlarini kamaytirish imkoni yaratiladi