Annotatsiya: Chetdan olib kelingan sigirlardan xo‘jalikda unumli foydalanishga ulardan laktatsiyalar davomida olinadigan sut miqdorining oshishi bilan birga ko‘plab yuqori mahsuldorlikka ega naslli avlod olish va kelajakda podani ular bilan to‘ldirish orqali qilingan xarajatlarni qoplash imkoniyatini yaratadi. Chetdan olib kelingan jami 378 bosh monbelyard zotli sigirlarning sut mahsuldorligi shakl 2-sut- “Nasldor sigirlar kartochkasi” asosida o‘rganildi. Turli tana tuzilishga ega sigirlarni oziqlantirish va asrash sharoitlari bir xil bo‘lgan. Sut-go‘sht konstitutsional tipiga mansub sigirlarnig sut miqdori laktatsiyalar davomida o‘sib borgan. Sigirlarning sut miqdori I-laktatsiyaga nisbatan sut-go‘sht konstitutsional tipidagi sigirlarda II laktatsiyada 2,72 %-ga ishlab chiqarilgan sut; sut yog‘ chiqimi 2,49 %-ga; 4 %-li sut miqdori esa 116 kg-ga; o‘rtacha tirik vazni 8,27 %-ga ko‘paygan (R≥0,999). Tengqurlari go‘sht-sut konstitutsional tipiga mansub sigirlarda I-laktatsiyasiga nisbatan II laktatsiyasida 2,60 %-ga ishlab chiqarilgan sut: sut yog‘ chiqimi , 0,88 %-ga, 4 % sut miqdori 39,8 kg ga; o‘rtacha tirik vazni 8,92 %-ga ortiqcha bo‘ldi (R≥0,999). Sigirlarning podadan chiqib ketish jadalligini o‘rganish shuni ko‘rsatadiki, I laktatsiyadan keyin sut-go‘sht konstitutsional tipidagi sigirlardan 34,2 % , go‘sht-sut konstitutsional tipidagi sigirlardan 32,7 % va II laktatsiyadan tegishli ravishda 59,7 % sut-go‘sht konstitutsional tipiga mansub 57,9 %; go‘sht-sut tipiga mansub sigirlar asosiy podadan chiqib ketgan.