Ushbu maqolada sport bilan estetikaning chambarchas bog‘liqligi va shug‘ullanuvchi tomonidan sportni san’at darajasiga olib chiqara olish mahoratlari haqida so‘z boradi. Maqola zamonaviy sportning estetik tarkibiy qismini nazariy o‘rganishga bag‘ishlangan bo‘lib, uning falsafiy va estetik tahlilini nazarda tutadi. Shuningdek, sportni estetiklashtirishni an’anaviy va zamonaviy estetika toifalari, ularning muhim farqlari ko‘rib chiqiladi. Maqolada an’anaviy estetik tafakkurning semantik markazi go‘zallik kategoriyasi ekanligiga e’tibor qaratiladi.