Mazkur maqolada jismoniy tarbiyaning maqsad va vazifalari, jismoniy tarbiyaning maktabgacha ta’lim tashkilotlari faoliyatidagi o‘rni xususida so‘z yuritilgan. Shuningdek, jismoniy tarbiyaning vazifalari jamiyatning ehtiyojlari bilan belgilanishi, bu ehtiyoj tarbiyaning umumiy maqsadidan kelib chiqisi, bu maqsad o‘zida ma’naviy boylikni, axloqiy poklikni va jismoniy barkamollikni mujassamlashtirgan, uyg‘un rivojlangan shaxsni shakllantirishdan iboratligi xususida fikrlar bildirilgan. Maktabgacha yoshdagi bolalarning jismoniy tarbiyasi vazifalarini hal etishda ularning yosh hususiyatlari hisobga olinadi. Uzluksiz ta’lim jarayonida yoshlarni jismoniy tarbiyalash yurtimizda va xorijda juda keng o‘rganilgan bo‘lib, ular turlicha nazariyalar, kontseptsiyalar, yondashishlar, yo‘nalishlarga asoslangan holda tadqiq qilingan. Maqolada bu yo‘nalishlarga alohida e’tibor qaratilgan.