Har bir xalq o‘zining kelgusi avlodlariga meros qilib qoldirish uchun o‘zida mujassam bo‘lgan eng foydali hayotiy tajribalarini jamlab keladi. Bular xalq ichida sayqallanib, tovlanib avloddan-avlodga o‘tib kelmoqda. Ibora, maqol va matallar xalq ichida tildan-tilga o‘tib shakllanadi va o‘zlashadi, og‘zaki nutqda shakllanib bo‘lgandan keyin yozma shaklda ifodalanadi. Bu maqolada xitoy va fors tillaridagi ibora, maqol va matallarni taqqoslab o‘rganishga harakat qilindi. Baʼzibir maqol va matallarni so‘zma-so‘z tarjima qilinsa maʼnosini tushunish mumkin, baʼzilarini so‘zma-so‘z tarjima qilinsa umuman maʼnosini tushunib bo‘lmaydi, o‘shanda biz qo‘sh tillik lug‘atlarga murojaat qilishga majburmiz yoki ularning kelib chiqish tarixiy hikoyalarini tarjima qilib, gap nima haqida ketayotganini bilib, maʼnosini aniqlab, muqobilini topish lozim