Mazkur maqola Eronning “Ketobxone-ye majles-e sho‘ro-ye melli” kutubxonasida 85417 inventar raqami ostida saqlanib kelinayotgan Nazir Ali Sayyidning “Lo‘g‘ate cheg‘atoyi be forsi” so‘zligi va undagi chig‘atoy va fors tillaridagi mushtarak so‘zlarning bayoniga bag‘ishlangan. Asar to‘liq holda saqlangan va hijriy 1382-yil kutubxonaga keltirilgan. Kitob 22x12 sm hajmda bo‘lib, 79 sahifadan iborat. Mazkur so‘zlikning birinchi fasli chig‘atoy tili leksikasi naqadar boy va rang-barang ekanligini isbotlovchi omonim va ko‘p ma’noli so‘zlar hamda ularning tahliliga bag‘ishlangan bo‘lib, so‘zlarning ma’nolarini tahlil qilish jarayonida Alisher Navoiyning asarlaridan keng foydalanilgan. Shu bilan birgalikda har ikki tilda faol ishlatilgan va ommaga tanish so‘zlarga izoh berishda misollardan foydalanilmagan.