Fors tilida so‘z yasashning beshta usuli mavjud bo‘lib, ular turli darajadagi mahsuldorlik bilan fors tilining kompyuter leksikasini shakllantirishda ishtirok etadi. Garchi yarimaffiksatsiya bir nechta yarimaffikslar bilan ifodalangan bo‘lsa-da, lekin u kompyuter leksikasining shakllanishiga ma’lum hissa qo‘shgan. Fe’liy yarimaffiksatsiyasi hozirgi fors tilining so‘z yasalish modellaridan biri bo‘lib, tilning terminologik leksikasini to‘ldiradi. Fe’liy yarimaffikslar deyarli har qanday sodda fe’lning hozirgi va o‘tgan zamon f’el negizlari bo‘lib, ular turli so‘z turkumlari bilan birikishi mumkin. Ushbu maqolada fors tilining kompyuter leksikasini yaratishda yarimaffiksatsiya usulining mahsuldorligi tahlil qilinadi. Axborot texnologiyalariga oid tushunchalarni bildiruvchi ekvivalentlar yaratishda ishtirok etuvchi ismiy va fe’l yarimaffikslari o‘rganiladi.