Ishning qisqacha mazmuni: siyosiy institut sifatida mahalliy kengashlar mustaqilligini ta’minlashda xalqaro-huquqiy hujjat sifatida “Mahalliy o‘zini o‘zi boshqarish Yevropa xartiyasi” ko‘rib chiqilib, ushbu xalqaro-huquqiy hujjatning O‘zbekistonda mahalliy kengashlar samaradorligini oshirishda muhim ahamiyatga ega ekanligi tahlil qilingan. Ishning qisqa yangiligi: mahalliy o‘zini o‘zi boshqarish organlarining tashkiliy tuzilishi va ma’muriy vositalari ular amalga oshiradigan vazifalarga muvofiq bo‘lishi, mahalliy o‘zini o‘zi boshqarish organlari faoliyati ustidan ma’muriy kontrolning o‘rni, mahalliy o‘zini o‘zi boshqarish organlari molivaviy manbalari, mahalliy o‘zini o‘zi boshqarish organlari o‘z vakolatlarini erkin amalga oshirish va konstitutsiya yoki milliy qonunchilikda mustahkamlangan mahalliy o‘zini o‘zi boshqarish prinsiplariga rioya etilishini ta’minlash yuzasidan sud tomonidan himoyalanish huquqiga ega bo‘lishi kabi siyosiy mexanizmlarning milliy qonunchilikda belgilanishi taklif qilinadi. Qisqa natijalar: xalqaro-huquqiy hujjat sifatida “Mahalliy o‘zini o‘zi boshqarish Yevropa xartiyasi”ni milliy qonunchilikka implementatsiya qilinishi asoslantirilgan. Qisqa xulosa: xalqaro-huquqiy hujjat sifatida “Mahalliy o‘zini o‘zi boshqarish Yevropa xartiyasi”ni ratifikatsiya qilish orqali mahalliy kengashlarning siyosiy, maʼmuriy va moliyaviy mustaqilligini kafolatlash mumkinligi ilmiy hamda amaliy isbotlangan.