Maqolada koʻrib chiqilgan Sardob koni karbonat toʻplangan rifdan xoli zonada joylashgan boʻlib, mahsuldor qatlam depressiya fatsiyasiga tegishli choʻkindi jinslar bilan ifodalangan. Depressiya turidagi qalamlar darzli va kovakli tipdagi kollektorlarning mavjudligi bilan bog‘liq bo‘lgan murakkab ichki tuzilish bilan tavsiflanadi, uch o‘lchovli geologik modelni muvaffaqiyatli yaratish uchun mualliflar kollektorlarni g‘ovakli, g‘ovakli-darzli va darzli-g‘ovak turlariga ajratishni taklif qilishdi; Modelni bajarish jarayonida quduqlararo korrelyatsiya amalga oshirildi va unumdor gorizontlar chegaralari aniqlandi. Strukturaviy asos qurilgan, litologiya modeli 4 ta parametrdan iborat bo‘lib, litologiya parametri ketma-ket ko‘rsatkichli modellashtirishga asoslangan uch o‘lchovli kub bo‘ylab taqsimlangan. Fatsiyalarni taqsimlash va o‘rganilayotgan obyekt bo‘yicha g‘ovaklikni taqsimlash bilan variogrammalarni qurishning turli xil variantlari asosida g‘ovaklik kubi olingan. Olingan geologik model karbonat yotqiziqlaring ichki tuzilishini eng ishonchli tarzda aks ettiradi va shakllanishlarning cho‘kindi xususiyatlarini va petrofizik munosabatlarni chuqurroq tushunishga imkon beradi. Shuningdek, olib borilgan tadqiqotlar konni o‘zlashtirishning barcha bosqichlarida uglevodorodlar bilan to‘yingan qatlamni rejalashtirish, ishlatish va diagnostika qilishda qo‘llaniladigan qatlam xatti-harakatlarini bashorat qilishga yordam beradi.