Hozirgi vaqtda qishloq namunaviy uylarida optimal mikroiqlim yaratishda muhim vazifalardan biri bu obyektni issiqlik bilan ta’minlashdir. Avtonom gibrid issiqlik ta’minoti tizimlari ushbu muammoning yechimlaridan biridir. So‘nggi paytlarda avtonom gibrid issiqlik ta’minoti tizimlari ko‘proq markaziy issiqlik ta’minoti tizimlari uchun muqobil variant sifatida ko‘rib chiqilmoqda. Usul va materiallar. Namunaviy qishloq uylarining issiqlik yuklamalari va yoqilg‘i- energetik resurslar sarfini hisoblashda issiqlik-texnik, yoqilg‘i sarfini hisoblashning issiqlik balansi usuli, issiqlik yuklamasini aniqlash usuli va tajribaviy-tadqiqot usullardan foydalanildi. Natijalar. Qashqadaryo viloyati iqlim sharoitida isitish maydoni 144 м2, isitish hajmi 432 m3 bo‘lgan namunaviy qishloq uyining issiqlik yuklamasi 14,0 kVt, yoqilgʻi-energetika resurslarining oʻrtacha isteʼmoli oʻtinda – 10788 kg/yil, tabiiy gazda – 3078 m³/yil, biogazda – 5588 m³/yil, koʻmirda – 5430 kg/yil, shartli yoqilgʻida – 5447 kg/yilni tashkil qilishi aniqlandi. Maqolada yoqilg‘ining o‘rtacha sarfi qozon qurilmasining FIK ga bog‘liq ravishda o‘zgarishini ifodalaydigan diagrammalar olingan.