Mazkur maqolada Toshkent shahridagi davlat oliy ta’lim muassasalarida ijtimoiy-gumanitar fanlar yo‘nalishi hisoblangan tarix sohasida ilmiy va pedagogik faoliyat olib borayotgan olima ayollarning ilm-fan rivojiga qo‘shayotgan bebaho hissasini yoritib berishga harakat qilindi. Tarix insoniyatning buyuk xotirasi hisoblanib, unda ajdodlarning maʼnaviyati, madaniyati va amalga oshirgan ishlari mujassam. Mana shunday ish bilan shug‘ullanayotgan tarixchi olimalarning tadqiqotlari, innovatsiyalari va tajribalarini har tomonlama tahlil qilish orqali ularning ajoyib yutuqlariga qisman oydinlik kiritiladi. Tarixiy kontekst, hozirgi holat, muammolar va kelajak istiqbollarini o‘rganib, ushbu maqola O‘zbekistonda tarix fanini rivojlantirishda ayollarning muhim rolini e’tirof etishga qaratilgan.