Ushbu maqola adabiy matnlarda epitetning ifodaviylik, obrazlilikni kuchaytiruvchi va muallifning o‘ziga xos, subyektiv nuqtai nazarini ifodalovchi uslubiy vosita sifatidagi rolini o‘rganishga bag‘ishlangan. Uning muhimlik darajasi yuqori bo‘lishiga qaramasdan, bu uslubiy vositaning qanday ta’riflanishi va epitetlarning yagona, aniq tasnifi bo‘yicha yagona qarash mavjud emas. Tadqiqotimiz obyektigaepitetning uslubiy vosita sifatidagi ahamiyati, tadqiqotimiz predmeti esa epitetlarni ta’riflash va tasniflash masalasi hisoblanadi. Mazkur tadqiqotning maqsadi rus olimlarining ishlarida epitetning ta’riflanish usullarini o‘rganish va ularning tasnifi bo‘yicha turli yondashuvlarni ko‘rib chiqishdir. Ushbu maqsadga erishish uchun quyidagi tadqiqot vazifalari belgilangan: Epitetni uslubiy vosita sifatida ta’riflashga oid turli yondashuvlarni tahlil qilish. Epitetlarning turli tasniflarini o‘rganish.