Bugungi kunga kelib ekologik turizm sohasi tabiiy resurslariga innovasiya, investitsiyalar jalb qilib, bir vaqtda katta daromad olishga imkon beradigan yo‘nalishga aylanib bormoqda. Ekoturizm ob’ektlarida aholini ish bilan ta’minlash, ijtimoiy muhofaza qilish, ekologik turizm zonalarida kichik va o‘rta biznesni rivojlantirish orqali qo‘shimcha ish o‘rinlarini yaratish, turistik infratuzilmalarni jahon talablariga javob bera oladigan moddiy-texnik, axborot tahliliy bazasini yaratish, “Yashil iqtisodiyot” texnologiyalarini sohalarga faol joriy etish orqali 2026-yilga qadar iqtisodiyotning energiya samaradorligini 20 foizga oshirish va havoga chiqariladigan zararli gazlar hajmini 20 foizga qisqartirish choralari ko‘rishga sharoit yaratadi. Mazkur maqolada ekologik turizmni rivojlantirish orqali xorijlik turistlar oqimini ko‘paytirish, ichki turizmga mahalliy aholini kengroq jalb qilish, turizm xizmatlari eksportini oshirish, yangi ish o‘rinlarini yaratishda turistik resurslarni turlarga va tasniflanishga ajratish, ularni o‘zaro bog‘liq holda boshqarish, xizmat ko‘rsatish samaradorligini oshirish bilan bog‘liq jihatlari atroflicha tahlil qilingan.