Maqolada matematika fanini o‘qitish metodikasini takomillashtirish masalalari muhokama qilingan. Matematikani o‘qitishda Maple dasturidan foydalanish taklif qilingan hamda ta’lim jarayonida axborot texnologiyalaridan foydalanishning afzalliklari yoritib berilgan. Shuningdek, maqolada Maple dasturi funksiyalaridan foydalanib algebraik tenglamalarni yechishga doir bir nechta misollar keltirilgan. Bundan tashqari, maqolada matematika fanini o‘qitishga bo‘lgan yondashuvlar haqida ham fikrlar keltirilgan. Matematika fanini yanada samarali o‘qitishning ilmiy-tadqiqot, ilmiy-metodik, ilmiy-texnik, muhandislik, moliyaviy va iqtisodiy, kimyoviy, biologik masalalarni yechishga, umuman olganda xalq xo‘jaligi rivojlanishiga qo‘shadigan hissasi to‘g‘risida fikrlar bayon etilgan. Bunda Maple dasturidan foydalanish, avvalo, matematika o‘qitish metodikasini takomillashtirishga xizmat qilishi, qolaversa, o‘quvchi-talabalarning axborot texnologiyalariga bo‘lgan qiziqishlarini oshirishi va ularning ham matematika fanini, ham zamonaviy axborot texnologiyalarini chuqur o‘rganish davr talabi ekanligini anglab yetishiga sabab bo‘lishi alohida ta’kidlangan.