Maqola madaniy-spetsifik elementlarning va milliymadaniy manzaraning badiiy adabiyotda tarjima xususiyatlarini tadqiq qilishga bag‘ishlangan. G‘afur G‘ulomning “Mening o‘rig‘ina bolam” asarining o‘zbek tilidan ingliz tiliga tarjimasi misolida, Saidumarova M. tomonidan bajargan tarjima tadqiq etilgan. Izlanishda asosiy muammolar va tarjima usullari tahlil qilib, original matnning ma'naviy va badiiy qadriyatlarini saqlashga qaratilgan. Madaniy realiyalar, idiomalar va frazeologizmlarni yetkazish uchun turli tarjima strategiyalari, jumladan, so‘zma-so‘z tarjima, transliteratsiya, kalkirovka va tavsifiy tarjima qo‘llanilgan. Tanlangan usullar madaniy kontekst, emosional rang-baranglik va adabiy uslublarni saqlashga qanday ta'sir qilishi ko‘rib chiqilgan. Tarjima qilingan matndan aniq misollar keltirilgan bo‘lib, milliy-spetsifik elementlarni moslashtirishda yuzaga keladigan muammolar va ularning maqsadli auditoriya tomonidan qabul qilinishiga ta'siri ko‘rsatilgan. Maqola badiiy asarlarni tarjima qilishda madaniy va kontekstual moslashtirishning ahamiyatiga e'tibor qaratadi va tarjimaning to‘g‘riligi uchun original va maqsadli tilning madaniy xususiyatlarini chuqur tushunish zarurligini ta'kidlaydi. Tadqiqot xulosalari sifatli tarjima faqat til ko‘nikmalarini emas, balki madaniy kompetentsiyani ham talab qilishini tasdiqlaydi, bu esa matnning badiiy va emosional qadriyatlarini tarjimaga saqlab qolishga yordam beradi.