Ijtimoiy hayotning yetakchi yoʻnalishlari boʻyicha aholining asosiy guruhlari oʻrtasida “jamoatchilik roziligi”ga erishish orqali davlat boshqaruvining demokratik shakllari ahamiyatini oshib borishi bilan OAVdan asosan jamoatchilik ongini boshqarishning vositasi sifatida foydalaniladigan PR-texnologiyalarni qoʻllash dolzarblik kasb etadi. PR sohasi jadal suratlar bilan rivojlanmoqda va takomillashmoqda, iste’molchilarga ta’sir etishga yondashuvlar o‘zgarmoqda, PR-materiallar janrlari va shakllari modernizatsiyalashyapti. Bu o‘zgarishlar, ayniqsa, davriy nashrlarda, xususan, uning ixtisoslashgan segmentida yaqqol ko‘zga tashlanyapti. Elektron media bilan raqobatchilik sharoitida ixtisoslashgan bosma nashrlar auditoriyaga samarali ta’sir etish taktika va strategiyalarini izlashdan tinmaydi. Maqola ixtisoslashgan nashrlarda PR-ta’sirning zamonaviy ko‘rinishlari tadqiqiga bag‘ishlanadi. Xorijiy va milliy ixtisoslashgan onlayn-nashrlar misolida bozorda muayyan g‘oyalar va savdo belgilarini ilgari surish maqsadida kishilarga ta’sir ko‘rsatish, turli tibbiy muammolarga nisbatan munosabatlari bilan manipulyatsiya qilish uchun pablik rileyshz sohasi tomonidan qo‘llaniladigan metodlar va usullar tahlil qilinadi. Aniq elektron maqolalar misolida muallif Internet piarmenlarga o‘z kontentiga mushtariylarning e’tiborini jalb qilish, qayta aloqani faollashtirish, o‘z intensiyalarini yanada tezkor va samarali amalga oshirish uchun taqdim etayotgan imkoniyatlarni tahlil qiladi. So‘nggi vaqtlarda PRta’sirning doimiy mushtariydan maslahat, avtoritet fikriga suyanish, konsultativ texnikalar va h.k. kabi keng ommalashgan texnologiyalarni ko‘rib chiqishga alohida e’tibor qaratiladi. Rejalashtirilgan kollaboratsiya sifatida giperhavolalardan foydalanish ahamiyatiga alohida urg‘u beriladi. Amalga oshirilgan tahlil asosida ixtisoslashgan onlayn OAVdagi PR-texnologiyalarning an’anaviy tor mavzudagi gazeta va jurnaldagilardan farqli ravishda o‘ziga xosliklari aniqlanadi. Muallif fikricha, jamoatchilik bilan aloqalar boʻyicha mutaxassislar amaliyotda duch keladigan muammolarning nazariy jihatlari puxta ishlab chiqilmagani, ilmiy asoslangan metodikalarning yetishmasligi, PRning etik me’yorlarini bilmaslik va ularga amal qilmaslik pablik rileyshnz mutaxassislarning professionallik darajasiga salbiy ta’sir koʻrsatib, buyurtma va sifatsiz PRmateriallarning koʻpayishiga zamin yaratadi. Shu sababli muallif ixtisoslashgan nashrlarda PR-ta’sirni optimallashtirish bo‘yicha takliflarni beradi, uning kelgusi rivoji vektori aniqlanadi.